الطباعة
أغسطس 3, 2024
تطوير المواقع & موبايل ابلكيشن
أغسطس 3, 2024
ما معنى SEO ؟
تحسين محرك البحث أو ما يسمونه المسوقين في جميع أنحاء العالم الـ “seo”.
يعمل بحث Google باستخدام الكلمات الرئيسية بعدة طرق تساعد موقعك الإلكتروني على الظهور بترتيب أفضل في محرك البحث. وده بيكون من خلال استخدام الـ SEO.
يعمل بحث( SEO ) باستخدام الكلمات الرئيسية بعدة طرق تساعد ملفك الشخصي على الترتيب بشكل أفضل في تحسين محرك البحث Google
الطريقة الوحيدة للتسويق عبر الإنترنت التي إذا تم استخدامها بشكل جيد ، ستجلب لك دائمًا أرباحًا مستمرة ونتائج مرضية
إذا قمت بطرح محتوى ذات صلة يستحق أن يظهر على صفحة نتائج البحث لكلمة رئيسية مناسبة ، فإن حركة المرور إلى موقعك سترتفع بشكل طبيعي بمرور الوقت. يتطلب تسويق المحتوى بوسائل أخرى استثمارًا ماليًا ثابتًا لزيادة حركة المرور وعدد الزوار
أهمية الـ SEO:
- يعتبر الـ SEO اداه من أكثر أدوات التسويق مثالية ويجب استخدامها في بداية مشوارك التسويقي.
- ولديه العديد من المميزات:
- ترتيب أفضل في محرك البحث “جوجل”.
- يساعد عميلك في أن يكون قريب لعلامتك التجارية.
- تحسين تجربة المستخدم في موقع الويب الخاص بك.
- الحصول على المزيد من الـ traffic.
- يساعد في ظهور الاعلانات المدفوعة ” google ads ” بطرق أفضل.
- يساعدك في الظهور بطرق احترافية أمام قاعدة عملائك.
كيفية استخدام الـ SEO لتحسين موقعك الإلكتروني:
عرفنا أهمية الـ SEO لكن إزاي نستخدمة؟ ودا السؤال اللي احنا جايين نجاوبك عليه.
اختيار الكلمة المناسبة
- اختيار الكلمة المناسبة في الـ SEO هي الخطوة الأولى للدخول في عالم تحسين محركات البحث. لكن ازاي؟
- استخدم أكتر كلام جمهورك بيدور عليه على جوجل.
- راقب باستمرار عدد العملاء اللي بيدوروا على كلمة معينة بعد اختيارها.
- ركز على الكلام الطويل وترتيبه على (Google keywords) ويكون أقل من 29 حرف.
- اشتغل على كتابة محتوى طويل المدى يدوم مع عملائك.
- طابق الكلمة اللي اخترتها بأهداف جمهورك المستهدف.
استخدم الكلمة المفتاحية في المكان المناسب
- بعد اختيار الكلمة المفتاحية بيجي دور اختيارك للمكان اللي هايكون فيه الكلام, وخليك فاكر إن جوجل بيرتب الويب سايت على محرك البحث من خلال كلامك المفتاحي والمكان المناسب الموجود فيه.
- والاماكن دي ممكن تكون:
- بداية المقال.
- العنوان
- العنوان الجانبي.
- الصور اللي موجود فيها كلام نصي.
راقب عدد الكلمات باستمرار
المقالات الطويلة بتلعب دور اكبر في ترتيب موقعك عن المقالات الصغيرة، علشان كدا لازم تراقب عدد الكلمات بتاعتك كويس جدًا.
ركز دايمًا مع ترتيب جوجل
- ترتيب جوجل للمواقع الموجودة عليه بيتغير كل يوم ومش بس كل يوم، دا كل ساعة تقريبًا. المواقع بتتغير ترتيبها من فوق لتحت والعكس صحيح.
- علشان كدا لازم تركز مع موقعك وترتيبه على محرك بحث جوجل علشان تحدد الاسباب اللي خلت الموقع ينزل، أو تعرف ايه السبب ورا إن موقعك يبقى في ترتيب عالي.
كتابة عناوين جذابة ووصف قوي للمنتج
- كتابة عناوين بتخاطب جمهورك المستهدف أكثر من أنها تخاطب محرك البحث.
- لو العنوان موجود فيه اللي بيدور عليه عميلك ونفسه يشوفه عندك ايه اللي يمنعه من إنه يقرأ مقالك أو يشتري خدمتك؟
- في الناحية التانية بييجي دور الوصف المكتوب تحت العنوان, ,وكثير من العملاء مابينجذبوش للعنوان وبينجذبوا اكتر للوصف اللي مكتوب.
- وعشان الوصف يكون مناسب لجمهورك المستهدف لازم تعمل search كتير عن عملائك واهتماماتهم واية مشاكلهم وازاي تحلها، ودورك بييجي إنك تحط الكلام دا كله قدامهم علشان يقدروا ينجذبوا للوصف بتاعك ويدخلوا يقرأوا مقالك أو يشتروا خدمتك.
اصطاد عملائك على موقعك
- العميل يجي ويشتري منك مرة واتنين حاجة كويسة، لكن إنك تصطاده وتخليه عميل دائم لعلامتك التجارية دا احسن بكتير.
- وعلشان تصطاده لازم:
- ابحث في جوجل على موقعك الإلكتروني.
- شوف العنوان والوصف اللي انت كاتبه وفكر بدماغ عميلك، هل ده هيشدك تكمل جوا الموقع ولا لأ.
- ادخل واقرأ كل حاجة بتوقيت اكبر وتفكير أعمق، واعمل كأنك هتاخد قرار شراء على سبيل المثال، وشوف هل كل حاجة كانت كويسة في المرحلة دي جوا الموقع ولا لأ.
- لو حصل مشكلة في أي خطوة حاول تراجعها وتعدل عليها علشان توصل لأحسن نتيجة ترضي عملائك وتحسن تجربتهم جوا موقعك.
- خليك دايمًا مركز على نقطة إنك تهتم بمشاكل عملائك وتعرفها كويس جدًا وكمان تلاقي طرق لحلها. والعملية دي هي أهم عملية في اصطياد العميل، ودا اللي بيخلي العميل عنده ولاء فعلًا لعلامتك التجارية ويكمل معك للمدى البعيد.
استخدم backlinks
- الـ Backlinks هي اللينكات المرتبطة بمواقع تانية، واستخدامها بيحسن من ترتيب موقعك على جوجل، ودا لأن منصة جوجل بتهتم بالمواقع اللي بتحط backlinks جوا المحتوى الخاص بيها علشان توديه على صفحة تانية.
- بس خلي بالك واوعى تكتر من استخدامها لانها هتقلل من ترتيب موقعك, كفاية واحدة بالكتير في كل قطعة محتوى.
دلوقتي انت عارف كل حاجة متعلقة بمجال الـ SEO, وبنتمنى إن المقال دا زود معرفتك أكثر عن الـ SEO واستخدامه وفوائده.